طريقة عمل الكبدة البانيه بالبقسماط والبيض تحفة
 |
| طريقة عمل الكبدة البانيه بالبقسماط والبيض تحفة |
المقادير:
نص كيلو كبدة مقطعة شرائح
4 فصوص ثوم مهروسين
نص معلقة بصل بودر
نص معلقة ثوم بودر
فلفل اخضر
ملح
فلفل اسود
شطة
رشة قرفة
رشة زنجبيل
كمون
عصير 2 ليمونة
بيضة
كوب دقيق
كوب بقسماط مطحون
بقدونس مفروم
جرجير
دي كانت مكوناتنا عشان نعمل مع بعض طريقة عمل الكبدة البانيه بالبقسماط والبيض تحفة، الطريقة بقي اسهل ما يكون وزي ما قلتلك مش هتاخد وقت كتير في التحضير.
طريقة التحضير:
1- في الخلاط ضيفي الثوم والبصل البودر والفلفل الاخضر والملح والفلفل الاسود والقرفة والزنجبيل والشطة والكمون واخلطيهم.
2- ضيفي الخليط السابق علي الكبدة وقلبيهم كويس وبعدين سيبيها في الثلاجة لمدة 4 ساعات ويفضل يوم كامل.
3- حضري 3 اطباق طبق دقيق وطبق بقسماط وطبق بيض تنزلي بالكبدة المتبلة بالدقيق بعدين البيض بعدين البقسماط وسيبها في الثلاجة حوالي ساعة وبعدين تحمريها في زيت غزير.
ملحوظة: اول منزلي بالكبدة في زيت التحمير تهدي النار شوية عشان الكبدة تستوي من جوه.
4- لما تخرج من الزيت تحطيها علي ورق لامتصاص الزيت وبعدين ترشي عليها بقدونس مفروم وقدميها مع جرجير.
دي كانت وصفتنا النهاردة طريقة عمل الكبدة البانيه بالبقسماط والبيض تحفة، وصفة سهلة ولذيذة وهتحبيها اوي، متنسوش تشوفوا بقيت وصفاتي واكلاتي ، واستنوني مع الذ الاكلات واحلي الوصفات ، وكل ما يهمك ويهم بيتك❤❤
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار