طريقة عمل عيش البتاو الصعيدي علي اصوله
 |
| طريقة عمل عيش البتاو الصعيدي علي اصوله |
اهلا بيكم، النهاردة هنعمل مع بعض طريقة عمل عيش البتاو الصعيدي علي اصوله العيش ده من اجمل انواع الخبز وحلو جدا للي بيعملو دايت ويسلام بقي لو هتاكلي معاه حتة جبنة قديمة مع بصلة ، او عسل اسود يسلااااااااام انا جوعت يلا بينا نعرف مع بعض ازاي تعملي العيش البتاو.
المقادير:
1 كيلو دقيق ذرة
200 جرام دقيق قمح
ملعقة ملح كبيرة
ماء للعجن
طريقة عمل عيش البتاو الصعيدي علي اصوله بمقاديره السهلة اللي مش بتحتاجي فيها خميرة او بيض ولا لبن هندخل بقي علي طريقة التحضير.
طريقة التحضير:
1- في اناء للعجن كبير ضيفي كيلو دقيق الذرة مع 200 جرام دقيق القمح مع معلقة الملح الكبيرة وتقلبي بايدك .
2- ضيفي حوالي لتر ماء واعجني ولو احتاجتي ماء ضيفي انتي هتحتاجي ماء كتير لغاية لما تحصلي علي عجينة طرية.
3- تحطي علي الرحاية دقيق وتمسكي كورة عجين في ايدك وانتريها في وسط الرحاية وابتدي نططي فيها لغاة لما يبقي دائرة واسعة.
4- انتريها من الرحاية في فرن الخبز مش البوتجاز ويكون عالي جدا وخلي بالك متتحرقش منك وقلبيها بعصاية رفيعة او جريدة لو عندك.
دي كانت وصفتنا النهاردة طريقة عمل عيش البتاو الصعيدي علي اصوله، ولو عملتيه هتحبيه اوي طعمه جميل وخفيف علي المعدة جدا ، يارب تكون وصفتي عجبتكم ، واستنوني مع الذ واحلي الاكلات والوصفات وكل ما يهمك ويهم بيتك.
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار