بالشرح طريقة عمل الحلاوة الجيلي في البيت وبسهولة 🍬🍬🍬
 |
| بالشرح طريقة عمل الحلاوة الجيلي في البيت وبسهولة |
اهلا بيكم، النهاردة هنعمل مع بعض بالشرح طريقة عمل الحلاوة الجيلي في البيت وبسهولة ، وهتبقي مطمنة اكتر لانها من غير مواد حافظة وطعمها زي بتاعت المحلات بالضبط ، يارب تعجبكم وتجربوها.
المقادير:
نص كوب جيلاتين بودر بدون طعم
باكيت جيلي دريم
2 كوب ماء بارد
زي ما انتو شايفين المقادير ولا ابسط من كده دلوقتي بقي هنشوف بالشرح طريقة عمل الحلاوة الجيلي في البيت وبسهولة .
طريقة التحضير:
1- في اناء ضيفي كوب ماء واحد مع كيس الجيلي ودوبيه علي البارد.
2- في اناء تاني ضيفي كوب ماء بارد مع نص كوب الجلاتين البودر وذوبيهم كويس جدا بردوا علي البارد لحد ما تلاقيه مسك معاكي وتقل من غير ما يكلكع.
3- علي النار في حلة نزلي خليط الجيلي المذاب مع خليط الجلاتين المذاب وقلبيهم بمضرب يدوي بتاع البيض عشان ميكلكعش منك.
4- سيبيهم علي نار هادئة واول ما يدخلوا في مرحلة الغليان نزليهم من علي النار وصبيهم في القوالب.
ملحوظة : لو معندكيش قوالب الجيلي حطيهم في قوالب الثلج المربعات واول ما يبردوا دخليهم الثلاجة.
5- ممكن بعد ما يبردوا ترشي عليهم سكر خشن زي الحلاوة الجيلي اللي بتتباع في المحلات.
 |
| بالشرح طريقة عمل الحلاوة الجيلي في البيت وبسهولة |
انا كده خلصت بالشرح طريقة عمل الحلاوة الجيلي في البيت وبسهولة ، اظن ان الوصفة سهلة جدا ولو جربتيها الاولاد هيحبوها جدا بدل ما تشتريها من بره، ومتنسوش تشوفوا بقيت وصفاتي، واستنوني مع الذ واحلي الاكلات والوصفات وكل ما يهمك ويهم بيتك💗💗💖💖
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار