البطاطس المشوية مع مكس الجبن اللذيذ وفي دقايق
 |
| البطاطس المشوية مع مكس الجبن اللذيذ وفي دقايق |
اهلا بيكم، النهاردة هقدم ليكم البطاطس المشوية مع مكس الجبن اللذيذ وفي دقايق، وصفة سريعة وطعمها مشهي جدا خصوصا لو هتاكليها وهي سخنة وممكن تحطي فيها اي نوع جبن انتي بتحبيه مش شرط نوع معين ويارب تعجبك الوصفة.
المقادير:
3 حبات بطاطس بقشرهم
جبنة رومي مبشورة
جبنة شيدر مبشورة
جبنة مودزريلا
جبنة كريمي اواي نوع جبنة تاني انتي تفضليه
شرائح زيتون
ملح
فلفل اسود
زيت نباتي
ورق فويل
دي مكونات البطاطس المشوية مع مكس الجبن اللذيذ وفي دقايق ، مكوناتها سهله جدا وبسيطة وممكن تضيفي نوع الجبنة اللي انت عايزاه او تشيلي نوع جبنه من المكونات اللي يريحك ياقمراية.
طريقة التحضير:
1- بتغسلي البطاطس كويس اوي وبعدين بتقشريها وترشي عليها من بره ملح وفلفل اسود وزيت نباتي.
2- غلفيها بالفويل كويس كل حبة لوحديها وبعدين دخليها الفرن لحد ما تستوي كويس.
3- في طبق حطي الجبنة الرومي مع الجبنة الشيدر مع الجبنة الكريمي والمودزريلا وترشي عليهم رشة فلفل اسود وملح خفيف.
4- اول ما تخرج البطاطس من الفرن تفتحيها فتحة من النص بالطول كأنك بتفتحي سندوتش بس من غير متشيلي ورقة الفويل،تطلعي قلب البطاطس بس خليه جواها كأنه بيوريه.
5- ضيفي خليط الجبنة جوه البطاطس وحطي علي الوش شرائح زيتون.
6- دخليها الفرن لمدة 5 دقائق لغاية لما الجبنة تسيح.
دي كانت وصفتنا النهاردة البطاطس المشوية مع مكس الجبن اللذيذ وفي دقايق، وصفة سهلة وخفيفة وطعمها حلو اوي ، يارب تكون عجبتكم ،ومتنسوش تشوفوا بقيت وصفاتي، واستنوني مع احلي والذ الوصفات والاكلات وكل ما يهمك ويهم بيتك💗💗💖💖
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار