احلي طريقة لعمل الفراخ علي البخار بطريقة صحية والطعم حكاية
 |
| احلي طريقة لعمل الفراخ علي البخار بطريقة صحية والطعم حكاية |
اهلا بيكم، النهاردة هنعمل مع بعض احلي طريقة لعمل الفراخ علي البخار بطريقة صحية والطعم حكاية، ودي طريقة جديدة للفراخ بس بطريقة صحية اكتر وطبعا طعم جديد وصحي جدا جدا.
احنا قبل كدة عملنا الفراخ بأكثر من طريقة منها الفراخ بالزبدة والبصل ، والفراخ الرستو ، ويخني الفراخ ، وكمان عرفنا مع بعض ازاي نسلق الفراخ علي الطريقة الصحيحة ، النهاردة هنكمل مع بعض وصفات الفراخ وهنعمل احلي طريقة لعمل الفراخ علي البخار بطريقة صحية والطعم حكاية، وان شاء الله تعجبكم وتجربوها.
المقادير:
2 صدور فراخ
فلفل رومي شرائح
2 فلفل الوان شرائح
بصلة كبيرة حلقات
توابل وبهارات
2 ليمونة شرائح
6 فصوص ثوم حلقات
طريقة تحضير احلي طريقة لعمل الفراخ علي البخار بطريقة صحية والطعم حكاية :
1- طبعا قبل كل حاجة احنا هننقع الفرخة بتاعتنا في محلول النقع بعد متغسليها لمدة يوم او يومين بالكتير.
2- هتجيبي صينية وتحطي فيها ورق فويل وعلي ورقة الفويل تحطي ورقة خبز وتخلي طرفين الورق من برة يعني توسطي الورق جوه الصينية عشان تقدري تقفلي علي الفرخة.
3- ترشي زيت علي الورق وبعدين تبتدي ترصي حلقات البصل وبعدين حلقات الثوم وشرائح الفلفل الالوان وبعدين شرائح الفلفل الرومي وفي الاخر تحطي صدور الدجاج وياريت الصدور متكنش سميكة اوي عشان تستوي بسرعة.
4- نرش علي الفراخ ملح وفلفل اسود وتوابل وبهارات حسب رغبتك وبعدين ترشي زيت علي وش الفرخة عشان تكون طرية وبتلمع ولو عندك زعتر رشي شوية علي الفرخة من فوق هتبقي تحفة.
5- نقفل الفويل علي الفراخ ونقفله كويس جدا بحيث تحبسي الحرارة ، لفي اطراف الفويل كذا لفة مبرومة عشان الحرارة متخرجش.
6- هتحطي الفراخ في الفرن علي درجة حرارة 180وتسيبيها حوالي نص ساعة او اقل لان صدور الدجاج مش بتاخد سوي كتير.
ملحوظة: كل جنب لصدور الفراخ بياخد سو 8 دقائق.
دي كانت وصفتنا النهاردة احلي طريقة لعمل الفراخ علي البخار بطريقة صحية والطعم حكاية ، وصفة سهلة وبسيطة وصحيه جدا لانها مطبوخة علي البخار كمان مفيهاش دهون كتير ويارب تعجبكم ومتنسوش تشوفوا بقيت وصفاتي واستنوني مع الذ واحلي الوصفات والاكلات وكل ما يهمك ويهم بيتك💗💗💘💘
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار