طريقة عمل الكبدة بالردة بالتتبيلة علي طريقة المحلات
 |
| طريقة عمل الكبدة بالردة بالتتبيلة علي طريقة المحلات |
المقادير:
نص كيلو كبدة شرائح
ردة ناعمة
ملح
فلفل اسود
شطة
قرفة
زنجبيل
كمون
ثوم بودر
بصل بودر
فلفل اخضر حامي مهروس
عصير ليمونة
بقدونس مفروم
دي كانت مقادير وصفتنا الجميلة ، يلا بينا نعرف طريقة عمل الكبدة بالردة بالتتبيلة علي طريقة المحلات، متاكدة انها ان شاء الله هتعجبكم.
طريقة التحضير:
1- ضيفي علي الكبدة الملح والفلفل الاسود والشطة والقرفة والزنجبيل وكمون والثوم والبصل البودر .
ملحوظة: البهارات اللي هتستخدميها كفاية ربع معلقة صغيرة من كل حاجة وممكن رشة بسيطة لو مش حابة بعض البهارات.
2- ضيفي علي الكبدة الفلفل الحامي المهروس ومعاه عصير الليمونة.
3- قلبيهم كويس مع بعض وسيبيهم في الثلاجة ساعتين ولو اكتر هتبقي النتيجة افضل والطعم حكاية.
4- قلبيها في ردة ناعمة وبعدين حطيها في الفريزر نص ساعة عشان الردة تمسك عليها.
5- اقليها في زيت غزير واول متخرج من الزيت سخنة رشي عليها بقدونس مفروم.
دي كانت وصفتنا النهاردة طريقة عمل الكبدة بالردة بالتتبيلة علي طريقة المحلات، وصفة سهلة وجميلة وتحضيرها مش بياخد وقت ، يارب تكون وصفتني عجبتكم ، ومتنسوش تشوفوا بقيت وصفاتي واكلاتي واستنوني مع الذ واحلي الاكلات والوصفات وكل ما يهمك ويهم بيتك❤❤
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار