مكرونة بالوايت صوص بدون كريمة الطبخ المكلفة
 |
| مكرونة بالوايت صوص بدون كريمة الطبخ المكلفة |
المقادير:
2 صدر فراخ
نص كيلو مكرونة قلم
2 معلقة زبدة
بصلة مفرومة
5 فصوص ثوم مفرومين
ريحان
3 معلقة دقيق
كوب لبن
مكعب مرقة
فلفل اسود
جبنة كريمة
جبنة رومي
دي كانت مكونات مكرونة بالوايت صوص بدون كريمة الطبخ المكلفة، والطريقة سهلة وان شاء الله تعجبكم.
طريقة التحضير:
1- ضيفي معلقتين زبدة في طاسة القلي وبعدين ضيفي البصلة المفرومة وتخليها لغاية لما تصفر وبعدين تضفي الثوم المفروم.
2- في الخلاط ضيفي 2 معلقة دقيق مع كوب اللبن والجبنة الكريمة ومكعب مرقة ورشة ريحان وفلفل اسود.
ملحوظة: لو لقيتي القوام تقيل ممكن تزودي اللبن ولو خف منك ممكن تضيفي معلقة دقيق.
3- قطعي صدر الفراخ قطع صغيرة وبعدين ضيفيه في الطاسة مع الزبدة والبصل والثوم وشوحي.
ملحوظة: لازم تزودي زبدة او سمن نباتي وانتي بتشوحي عشان الفراخ متنشفش منك.
4- ضيفي معلقتين دقيق علي الفراخ وقلبي كويس.
5- ضيفي محتوي الخلاط علي الفراخ في الطاسة وضيفي ملح.
ملحوظة: ماء مكرونة السلق اللي سلقتي بيه المكرونة خليه لانك هتحتاجيه لو الصوص تقل تخفي بيه الصوص بيبقي اجمل بكتير من الماء.
6- نضيف المكرونة علي الصوص وطبعا نخلي صوص المكرونة كتير يعني مش شرط نحط المكرونة كلها.
8- سيبيها علي نار هادئة وفي الاخر ضيفي عليها جبنة رومي مبشورة.
دي كانت وصفتنا النهاردة مكرونة بالوايت صوص بدون كريمة الطبخ المكلفة، وصفة سهلة وبسيطة وسريعة التحضير ، غير ان طعمها جنان، متنسوش تشوفوا بقيت وصفاتي،واستنوني مع الذ الاكلات واحلي الوصفات ، وكل ما يهمك ويهم بيتك❤❤
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار