احلي فراخ بالزبدة والبصل ممكن تدوقيها في حياتك🍗🍗🐔🐔
 |
| احلي فراخ بالزبدة والبصل ممكن تدوقيها في حياتك |
اهلا بيكم، النهاردة هقدم ليكم احلي فراخ بالزبدة والبصل ممكن تدوقيها في حياتك ، من احلي انواع تسوية الفراخ اللي ممكن تعمليها طعمها حلو اوي والزبدة والبصل طاغيين وبينين اوي ومخلين للفرخة طعم تاني يارب تجربوها.
احنا عملنا قبل كدة فراخ مسلوقة علي الطريقة الصحيحة وكمان عملنا يخني الفراخ والفراخ الرستو، النهاردة هنعمل احلي فراخ بالزبدة والبصل ممكن تدوقيها في حياتك ، وبفكرك انك بعد ما تغسلي الفرخة بتاعتك تنقعيها في محلول النقع او محلول الملح هتلاقيه موجود عندك في اكتر من وصفة من وصفاتي، دلوقتي هنبتدي مع بعض نعمل اكلتنا النهاردة.
المقادير:
فرخة متقطعة 8 قطع
بصلة كبيرة متقطعة حلقات او مكعبات صغيرة
2 ملعقة كبيرة زبدة وممكن سمن بس الزبدة اطعم بكتيييير
ملعقة صغيرة فلفل اسود
ملح
2 كوب ماء ساخن
رشة قرفة بسيطة وده اختياري
رشة جوزة الطيب
هي دي مقاديرنا النهاردة مقايدر بسيطة جدا عشان تعملي احلي فراخ بالزبدة والبصل ممكن تدوقيها في حياتك، ندخل بقي علي طريقة التحضير.
طريقة التحضير:
1- في حلة علي النار ضيفي الزبدة والبصل مع بعض وتقلبي لغاية لما البصل يدبل اوعي يتحمر منك لان ساعتها الطعم هيكون مش حلو.
2- بعدين ضيفي الفلفل الاسود واول متشمي رائحة الفلفل الاسود ضيفي الفراخ وانتي بتضفي الفراخ خلي الفراخ علي نار عالية عشان تحتفظ بتراوتها ودي الصدمة اللي اتكلمنا عليها في اكتر من وصفة قبل كده.
3- اول ما لون الفراخ يتغير للون الذهبي تضيفي كوب ماء ساخن وبمجرد ما تغلي تهدي النار خالص عشان تستوي براحتها ولو حسيتي انها محتاجه ميا ضيفي الكوب التاني من الماء الساخن .
4- قرب ما تستوي اديها رشة الملح ومعاها رشة قرفة ورشة من جوزة الطيب.
دي وصفتنا النهاردة احلي فراخ بالزبدة والبصل ممكن تدوقيها في حياتك ، وصفة بسيطة وسهلة جدا بس الطعم النهائي بتاعها هايل جربيها ومش هتندمي، ومتنسوش تشوفوا بقيت وصفاتي ، واستنوني مع الذ واحلي الاكلات والوصفات وكل ما يهمك ويهم بيتك💘💘💙💙
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار