الهوت شوكليت البيتي على طريقة الكافيهات ☕☕☕
 |
| الهوت شوكليت البيتي على طريقة الكافيهات |
اهلا بيكم، النهاردة هنعمل مع بعض الهوت شوكليت البيتي على طريقة الكافيهات ، وهو مشروب مشهور جدا بنسمية هوت شوكلت يعني مشروب الشيكولاته الساخن ، النهاردة بقي هنعمله علي اصوله بطريقة حلوه اوي وسهله جدا هتحبيها وتعمليها علي طول لاسرتك.
مقادير الهوت شوكليت:
نص كيلو لبن سائل
سكر حسب الذوق
معلقة كبيرة كاكاو
معلقة كبيرة نشا
معلقة كبيرة كريم شانتيه بودر
معلقة كبيرة ايس كريم شيكولاته بودر
قطعة شيكولاته خام
دي مقاديرالهوت شوكليت البيتي على طريقة الكافيهات ، امشي معايا علي الخطوات بالضبط وهو هيطلع معاكي احلي من بتاع المحلات والكافيهات.
طريقة تحضير الهوت شوكليت البيتي علي طريقة الكافيهات:
1- اغلي اللبن كويس وبعدين ضيفي الشيكولاتة الخام والسكر وضيفي السكر علي حسب ذوقك يعني زي ما بتحبي يكون حلا الهوت شوكليت.
2- ضيفي معلقة كبيرة كاكاو مع معلقة كبيرة نشا مع معلقة كبيرة كريم شانتيه ومعلقة كبيرة شكولاتة خام وقلبيهم كويس اوي.
3- ضيفي المكونات الجافة اللي قلبتيها علي اللبن.
4- قلبيهم شوية وبعدين صبيهم في كاسات ودوقي وادعيلي.
دي كانت وصفتنا النهاردة الهوت شوكليت البيتي على طريقة الكافيهات ، وصفة سهلة وبسطة وهتعجبك اوي وبالذات في الشتا بتدفي بصراحة، يارب اكون عند حسن ظنكم ، ومتنسوش تشوفوا بقيت وصفاتي، واستنوني مع الذ واحلي الاكلات والوصفات وكل ما يهمك ويهم بيتك.
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار