الذ واسهل شيش كبدة ممكن تعمليه في حياتك🍡🍡🍡
 |
| الذ واسهل شيش كبدة ممكن تعمليه في حياتك |
اهلا بيكم ، النهاردة هنعمل مع بعض الذ واسهل شيش كبدة ممكن تعمليه في حياتك ، لان مش بس الكباب اللي بيتعمل في اسياخ او الشيش طاووق كمان الكبدة وبتطلع طعمها هايل ومش بتاخد وقت كتير في التحضير غير ان مكوناتها بسيطة جدا.
مقادير الذ واسهل شيش كبدة ممكن تعمليه في حياتك :
كبدة متقطعة مكعبات وسط
بصل مكعبات
طماطم مكعبات
فلفل الوان
عصير ليمونة
معلقة كبيرة صويا صوص
معلقة صغيرة دبس الرومان لو موجود
معلقة صغيرة سماق
قرفة
زعتر
زنجبيل
ملح
فلفل اسود
كمون
بابريكا
شطة
خل ابيض
دي مكونات الذ واسهل شيش كبدة ممكن تعمليه في حياتك ، المكونات سهلة وبسيطة ومعظمها بهارات وتوابل عشان تدي طعم ونكهة للكبدة ولو انتي حابة تستغني عن اي حاجة منهم دا برحتك وعلي ذوقك ياقمراية.
طريقة التحضير:
1- تتبل الكبدة قبلها بيوم بماء بصل وعصير ليمونة ومعلقة كبيرة صويا صوص ودبس الرومان وسماق وقرفة وزعتر وزنجبيل وملح وفلفل اسود وشطة وكمون وبابريكا والخل الابيض، كل ده ضيفيه علي الكبدة وقلبيهم كويس عشان تتشرب وسيبيهم يوم كامل في الثلاجة.
2- انقعي الاسياخ قبل الشوي بماء ساقع وبعدين تحطي فيها الكبدة بعدين بصل وطماطم والفلفل الالوان حطيهم بالشكل اللي يريحك والكمية اللي انتي عايزاها.
3- ادهني الشواية قبل الشوي بزيت زيتون.
4- حطي الاسياخ علي الشواية وقلبيهم كل شوية لحد ما يستوا.
ملحوظة: بعد متخلصي الشوي ولعي فحماية في ورقة فويل وعليها شوية زيت وحطيها علي الكبدة واقفلي عليها بإحكام وانتي هتشمي وهتدوقي رائحة شواء رهيبة وجميلة.
دي وصفتنا النهاردة الذ واسهل شيش كبدة ممكن تعمليه في حياتك ، وصفة سهلة وبسيطة ونوع من انواع التغيير في طريقة اكل اللحوم ، يارب تكون الوصفة عجبتكم ، واستنوني مع كل ما يهمك ويهم بيتك💗💗💘💘
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار