طريقة عمل الدونات الهشة الاصلية علي الطريقة الامريكية 🍩🍩🍩🍩
 |
| طريقة عمل الدونات الهشة الاصلية علي الطريقة الامريكية |
اهلا بيكم، النهاردة هقدم ليكم وصفة جديدة حلوة جدا وهي طريقة عمل الدونات الهشة الاصلية علي الطريقة الامريكية، ودي نوع من انواع الحلي المشهور جدا في امريكا وفي الاغلب بيتقدم مع القهوة ونوع من انواع الفطور المشهور اوي وطبعا في انواع كتيرة من الدونات يعني ممكن تبتكري في الدونات العادي او السادة وفي دونات الكريمة او الشيكولاتة وكمان الفواكه.
النهاردة بقي وصفتنا مميزة طريقة عمل الدونات الهشة الاصلية علي الطريقة الامريكية ، وهقدمهالك بأكثر من طريقة وكلهم احلي من بعض، ويارب الوصفات تعجبكم.
الدونات الهش:
المقادير:
4 كوب ونص دقيق
كوب لبن دافئ
نص كوب ماء دافئ
نص كوب سكر
معلقة كبيرة خميرة
بيضة
معلقة صغيرة فانيليا
نص معلقة صغيرة ملح
ربع كوب زبدة
طريقة التحضير:
1- ضيفي اللبن والماء والسكر والخميرة في اناء وقلبيهم كويس بعدين ضيفي البيضة وقلبي.
2- ضيفي الدقيق تدريجيا وبعدين ضيفي الملح والزبدة كل ده وانتي بتعجني استمري في العجن مدة 15 دقيقة .
3- سيبيها تتخمر حوالي ساعة .
4- بعدين افردي العجينة علي رخامة وضيفي عليها رشة دقيق ويفضل يكون سمك العجينة المفرودة 1 سم وبعدين شكليها دائرة.
5- سيبي العجينة ترتاح حوالي 15 دقيقة وبعدين تقليها في زيت غزير.
6- اول ما تخرج من الزيت حطيها في شربات او قطر وهقولك علي مقاديره ، او حطيها في شيكولاته سايحة.
مكونات القطر او الشربات:
2كوب سكر
2 كوب ماء
نص ليمونة
معلقة صغيرة فانيليا
طريقة تحضير القطر او الشربات:
1- هتضيفي السكر مع الماء وتعصري نص الليمونة وتقلبي وهما علي النار لغاية لما السكر يدوب نهائي.
2- خليه ربع ساعة واول لما تحسي انه بيلبك في ايدك يبقي كده تمام استوي.
3- لما تطفي النار من علي القطر او الشربات تضيفي نص معلقة الفانيليا.
ودي طريقة طريقة عمل الدونات الهشة الاصلية علي الطريقة الامريكية ، جربيها وطعمها هيعجبك اوي.
الدونات في الفرن:
المقادير:
- 2 كوب ونص دقيق منخول
- 1 كوب لبن دافئ
- 1 معلقة كبيرة زبدة
- ملعقة ونص صغيره خميرة فورية
- كوب الا ربع سكر
- 1 ملعقة صغيره فانيليا
- رشة ملح
لتزيين الوش:
- نص كوب سكر
- 2 معلقة صغيره قرفة
دونات الفرن طريقة تحضير دونات الفرن:
1- في اناء حطي الزبدة مع اللبن ودوبيهم كويس.
2- في اناء تاني حطي الدقيق مع السكر مع الخميرة الفورية والملح وقلبيهم مع بعض وبعدين تضيفي الفانيليا.
3- ترجعي تضيفي خليط اللبن والزبدة علي خليط الدقيق وتعجنيهم كويس بالايد لغاية لما تبقي معاكي عجينة متماسكة مش بتلزق.
4- رشي شوية دقيق علي الرخامة وحطي العجينة واعجنيها لمدة 5 دقايق لغاية لما تلاقيها مبتلزقش معاكي.
5- كوري العجينة وغطيها بسترتش او بكيس وسيبيها تتخمر لمدة ساعة.
6- ارجعي رشي شوية دقيق تاني علي الرخامة وافردي العجينة بسمك 2 سم وبعدين قطعيها دوائر وممكن تستخدمي كوب الشاي في التقطيع لو معندكيش قطاعة دائرية.
7- لو عايزة تعملي شكل الدونات الحلقات جوه الدائرة اللي عملتيها استخدمي كوب اصغر منه واقطعي جوه الدائرة ولو عندك القطاعات الدائرية يبقي استخدمي واحدة اقل في التقطيع.
8- حطي الدوائر بتاعتك في صينية علي ورقة زبدة وغطيها وسيبيها تتخمر مره تانية لمدة 40 دقيقة.
9- ممكن ترشي عليها سكر وقرفة قبل ما تدخل ، حطيها في الفرن علي درجة حرارة 200 وهتقعد حوالي 10 دقايق مش هتاخد وقت كتير، وبعد ما تخرج سيبيها تبرد شوية.
كده احنا النهاردة خلصنا وصفاتنا عملنا مع بعض طريقة عمل الدونات الهشة الاصلية علي الطريقة الامريكية ، وكمان عملنا الدونات في الفرن يارب تكون الوصفات عجبتكم ، واستنوني مع الذ واحلي الاكلات والوصفات وكل ما يهمك ويهم بيتك💘💘💗💗
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار