طريقة عمل الفطير المشلتت الفلاحي وبخطوات بسيطة جدا
 |
| طريقة عمل الفطير المشلتت الفلاحي وبخطوات بسيطة جدا |
اهلا بيكم، النهاردة هنعرف مع بعض طريقة عمل الفطير المشلتت الفلاحي وبخطوات بسيطة جدا، وهيكون زي الفطير الفلاحي الجميل المورق، واولادك وجوزك هيفرحوا بالنتيجة جدا.
المقادير:
كيلو دقيق
معلقة كبيرة سكر
معلقة كبيرة ملح
كوب زيت
ماء للعجن
زبدة
دي كانت مقاديرنا عشان نعرف مع بعض طريقة عمل الفطير المشلتت الفلاحي وبخطوات بسيطة جدا، وطبعا ممكن تستبدلي الزبدة بسمن نباتي او سمن بلدي وممكن تخلطي الزبدة مع سمن نباتي براحتك ياقمراية انا بسهلها عليكي وانتي واختيارك.
 |
| فطير مشلت |
طريقة التحضير:
1- ضيفي الدقيق مع الملح مع السكر وقلبيهم كويس.
2- ضيفي كوب الزيت واعجني كويس.
3- ضيفي الماء شوية شوية لغاية لما تتكون معاكي عجينة طرية هي بتاخد عجن كتير .
4- هنعمل العجينة زي صباع الفينو ونقطعها بالسكينة قطع متساوية حوالي 8 قطع واعملي كل قطعة كورة .
5- سيبي العجينة تتخمر ساعتين لو في الشتاء وساعة واحدة لو في الصيف في مكان دافئ.
6- رشي شوية زيت علي الرخامة وبعدين خدي اول كورة وافرديها من كل الجوانب ممكن بايدك او بالنشابة افرديها علي قد ما تقدري خففيها ومش مشكلة لو اتقطعت منك كملي عادي .
7- بتجيبي الزبدة وممكن تخلطي سمن نباتي مع الزبدة للتوفير لو حابة، تدهني العجينة المفرودة بالزبدة كويس اوي وبعدين تبتدي تطبقيها من كل الجوانب لغاية لما تبقي علي شكل كورة ومتضغطيش عليها اوي علشان تبقي مورقة ، اركنيها علي جنب .
8- خدي تاني كورة وافرديها بنفس الطريقة وادهني بالزبدة وبعدين تجيبي الكورة المركونة وتحطيها في النص وبعدين تطبقي عليها وهكذا لغاية لما العجينة تخلص يعني كل كورة تبقي جوه اللي قبليها وفي الاخر تبقي كورة وحدة مورقة الفطيرة الواحدة ممكن تاخد 5 كور ولو حابة اكتر مفيش مانع.
9- بعد ما تخلصي العجينة بتاعتك كلها تسيبيها ترتاح نص ساعة وبعدين تجيبي صينية وتحطي العجينة فيها وتفردي بايدك براحة.
10- حطيها في الفرن علي درجة حرارة 180 في الرف الوسطاني، الفطيرة هتاخد من 10 : 15 دقيقة.
 |
| طريقة عمل الفطير المشلتت الفلاحي وبخطوات بسيطة جدا |
دي كانت وصفتنا النهاردة طريقة عمل الفطير المشلتت الفلاحي وبخطوات بسيطة جدا، ان شاء الله هتعجبكم ويارب تجربوها ، ومتنسوش تشوفوا بقيت وصفاتي ، واستنوني مع الذ الوصفات واحلي الاكلات وكل ما يهمك ويهم بيتك❤❤
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار