شاورما الكبد والقوانص بالتتبيلة السرية اللذيذة
 |
| شاورما الكبد والقوانص بالتتبيلة السرية اللذيذة |
اهلا بيكم، النهاردة هنعمل مع بعض شاورما الكبد والقوانص بالتتبيلة السرية اللذيذة، هي طريقة جديدة لعمل الشاورما بس طريقة جميلة جدا وسهلة اوي والطعم النهائي ليها جميل جدا يلا بينا وهتشوفوا بنفسكم قد ايه طعمها هايل.
المقادير:
نص كيلو كبد وقوانص
بصلة مقطعة شرائح
فلفل الوان مقطع شرائح طويلة
طماطماية مقطعة شرائح طويلة
3 معالق كبيرة بقدونس مفروم
عصير ليمون
2 معلقة كبيرة خل
ملح
فلفل اسود
كمون
رشة قرفة
جوزة الطيب
فصين ثوم مفرومين
معلقتين كبار طحينة
زيت نباتي
دي كانت مقادير شاورما الكبد والقوانص بالتتبيلة السرية اللذيذة، هندخل علي طريقة التحضيريلا بينا.
طريقة التحضير:
1- قطعي الكبد والقوانص قطع صغيرة وبعدين ضيفي عليها الملح والفلفل الاسود ورشة القرفة وجوزة الطيب والثوم المفروم ومعلقة الخل وعصيرالليمون وقلبيهم كويس اوي .
2- سيبيهم في الثلاجة 3 ساعات عشان يتشربوا الطعم كويس.
3- في طاسة سخنة ضيفي معلقتين زيت نباتي وخليهم يسخنوا جامد وبعدين ضيفي الكبدة المتبلة وقلبي دقائق وبعدين اطفي عليها النار.
4- في طاسة تانية ضيفي 2 معلقة زيت نباتي وبعدين ضيفي بصلة مقطعة شرائح وقلبي دقيقتين وبعدين ضيفي الفلفل الالوان والطماطم وقلبي دقيقة .
5- ضيفي الكبدة وبعدين ضيفي عليها معلقة خل وضيفي الطحينة ونزليها من علي النار .
6- ضيفي البقدونس وقلبيها وقدميها مع عيش شاورما.
دي كانت وصفتنا النهاردة شاورما الكبد والقوانص بالتتبيلة السرية اللذيذة، يارب تعجبكم لما تجربوها ، ومتنسوش تشوفوا بقيت وصفاتي ، واستنوني مع الذ واحلي الاكلات والوصفات وكل ما يهمك ويهم بيتك❤❤☺☺
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار