اجمل طريقة لعمل الارز المعمر الفلاحي والطعم فلاحي اصيل

اجمل طريقة لعمل الارز المعمر الفلاحي

اهلا بيكم، النهاردة هنعمل مع بعض اجمل طريقة لعمل الارز المعمر الفلاحي والطعم فلاحي اصيل، مش بس كده كمان هنعمله بأكثر من طريقة وبجد كلهم من اجمل الطرق اللي ممكن تعملي بيها الارز المعمر في حياتك.

المقادير:

4 كوب ارز

2 كوب شوربة

2 كوب لبن

علبة قشطة

بصلة مفرومة

ورق لاوري

كبيبة صيني

قرفة

رشة قرنفل

ملح

فلفل اسود

2 معلقة سمن كبار

دي مكونات اجمل طريقة لعمل الارز المعمر الفلاحي والطعم فلاحي اصيل ، دلوقتي هنشوف مع بعض ازاي هنحضره وهتشوفوا بنفسكم قد ايه طعمه جميل.

طريقة التحضير:

1- جيبي طبق وضيفي فيه البصلة المفرومة وعليها ورق اللاوري والكبيبة الصيني ورشة القرنفل والملح والفلفل الاسود وادعكيهم بايدك كويس اوي عشان ماء البصل ينزل ومش عايزة اقولك ماء البصل مهم ازاي للارز المعمر وفعلا هيبقي اجمل طريقة لعمل الارز المعمر الفلاحي والطعم فلاحي اصيل .

2- ضيفي الارز علي الخلطة اللي فاتت وادعكي بايدك لغاية لما لون الارز يتبهر ويتلون من البهارات والبصل بس خلي بالك تدعكي الارز بالراحة عشان الارز ميتكسرش منك.

3- ضيفي 2 كوب شوربة مع 2 كوب لبن للارز.

4- ضيفي الخليط في صينية الفرن وبعدين علي الوش ضيفي علبة القشطة ووزعيها علي الوش قطع قطع وهي هتسيح لوحدها من حرارة الفرن.

5- حطي الارز علي درجة حرارة 200 اول متلاقي الارز ابتدي يغلي ويتشرب هدي النار عليه.

دي كانت اجمل طريقة لعمل الارز المعمر الفلاحي والطعم فلاحي اصيل ، جربوها وان شاء الله هتعجبكم اوووي وهتدعولي، دلوقتي بقي هوريكم نوع تاني للارز المعمر يلا بينا .

الارز المعمر الحلو:

ارز معمر حلو

دي طريقة تانية من طرق الارز المعمر وهي طريقة الارز المعمر الحلو ومن اسمه باين اننا هنحط فيه سكر عشان يبقي مسكر زيك ياقمراية يلا بينا نشوف المقادير.

المقادير:

2 كوب ارز

2 لتر لبن

8 معالق كبار سكر

علبة قشطة

3 معالق زبدة او سمنة بلدي

دي مقادير الارز المعمر الحلو وممكن تظبطيها براحتك يعني ممكن تزودي السكر او تقلليه وممكن تضيفي سمن هولندي عادي بدل السمن البلدي بس هتبقي اطعم بكتير بالسمن البلدي.

طريقة تحضير الارز المعمر الحلو:

1- خلي اللبن يغلي وبعدين بتكوني غاسلة الارز وضيفيه علي اللبن.

2- ضيفي السكر والسمنة وقلبي كويس لحد ما السكر يدوب.

3- جيبي الطاجن او الصينية بتاعتك وادهنيها بالقشطة وبعدين ضيفي عليه الخليط بتاعك اللي علي النار .

4- دخليهم الفرن علي درجة حرارة 200 واول ما الارز يغلي هدي النار شوية.

بعد ما عملنا اجمل طريقة لعمل الارز المعمر الفلاحي والطعم فلاحي اصيل ، وكمان الارز المعمر الحلو ، هنعمل مع بعض الارز المعمر باللحمة وبردة طعمه خراااافة يلا بينا نشوف هنعمله ازاي.

الارز المعمر باللحمة:

المقادير:

3 كوب ارز

2 كوب ونص لبن

كوب ونص شوربة

نص كيلو لحمة مقطعة مكعبات

علبة قشطة

دي مكونات الارز المعمر باللحمة يلا نشوف هنحضره ازاي.

طريقة التحضير:

1- اسلقي اللحمة نص سلقة متخليهاش تتهري اوي عشان لسه هتستوي مع الارز.

2- اقسمي كمية الارز بعد ما تغسليه كويس عل جزئين حطي الجزء الاول في الطاجن بتاعك او الصينية وبعدين ضيفي اللحمة اللي سلقتيها علي الارز.

3- ارجعي ضيفي باقي كمية الارز فوق اللحمة بحيث تكون اللحمة في الوسط.

4- ضيفي 2 كوب ونص اللبن ومعاهم كوب ونص الشوربة.

5- طبعا اضبطي التوابل والملح كويس والبهارات علي حسب رغبتك.

6- وزعي القشطة علي الوش .

7- دخليه الفرن علي درجة حرارة 200 وسيبيه حوالي ساعة او ساعة الا ربع.

دي كانت طريقة الارز المعمر باللحمة، وهوريكي طريقة تانيه لعمل الارز المعمر وهي الارز المعمر بالكبد والقوانص يلا بينا.

الارز المعمر بالكبد والقوانص:

المقادير:

2 كوب ارز

نص كيلو كبد وقوانص

كوب لبن

كوب شوربة

بصلة مفرومة

علبة قشطة

2 معلقة زبدة او سمن بلدي

ملح

فلفل اسود

بهارات علي حسب رغبتك

رشة قرفة

طريقة التحضير:

1- في حلة علي النار حطي معلقة زيت نباتي مع الزبدة والبصل وابتدي شوحي.

ملحوظة: معلقة الزيت النباتي عشان الزبدة متتحرقش منك.

2- ضيفي القوانص المقطعة وشوحي فترة لحد متحسي ان القوانص استوت شوية بعدين ضيفي الكبدة وابتدي شوحي.

3- ضيفي الملح والفلفل الاسود والبهارات بتاعتك وضيفي كوب ماء وسيبيهم يستوو.

4- في طبق جانبي حطي الارز المغسول بتاعك وعليه 3 معالق زبدة سايحة وافركيهم بايدك بحيث ان الارز يتلون كله بالزبدة وبراحة عشان الارز ميتكسرش منك.

5- ضيفي الكبد والقوانص علي الارز وقلبيهم كويس.

6- ضيفي الخليط في الطاجن بتاعك او الصينية وبعدين ضيفي عليهم كوب الشوربة وعلبة القشطة توزعيها عي الوش.

7- دخليهم الفرن علي درجة حرارة 200 لمدة ساعة او لحد ما الارز يستوي معاكي.

دي كانت وصفاتنا النهاردة عملنا مع بعض اجمل طريقة لعمل الارز المعمر الفلاحي والطعم فلاحي اصيل ، وكمان عملنا الارز المعمر الحلو، وعملنا الارز المعمر باللحمة ، وكمان الارز المعمر بالكبد والقوانص، يارب تكون الوصفات عجبتكم، ومتنسوش تشوفوا بقيت وصفاتي ، واستنوني مع الذ واحلي الاكلات والوصفات وكل ما يهمك ويهم بيتك❤❤☺☺.

موضوع :
100 من 100 | 100 تقييم من المستخدمين 100 من أراء الزوار

اجمل طريقة لعمل الارز المعمر الفلاحي والطعم فلاحي اصيل