القرنبيط البانيه المقرمش من احلي اكلات الشتاء
 |
| القرنبيط البانيه المقرمش من احلي اكلات الشتاء |
اهلا بيكم، النهاردة هنعمل مع بعض القرنبيط البانيه المقرمش من احلي اكلات الشتاء، لان اكتر وقت بتلاقي فيه القرنبيط هو الشتاء هقدمهولك النهاردة بطريقة مختلفة غير طريقة القلي التقليدية النهاردة هنقدمه بانية مقرمش ويارب يعجبكم.
المقادير:
قرنبيطة كاملة
4 بيضات
كوب لبن
ثوم مفروم
كوب بقدونس مفروم
معلقة كاري
نص معلقة فلفل اسود
كمون
ملح
دقيق
نص معلقة نشا
نص معلقة بيكنج بودر
نص معلقة شطة حمراء
كوب بقسماط
معلقة كبيرة كورن فليكس
زيت نباتي
دي المقادير بتاعت وصفة النهاردة القرنبيط البانيه المقرمش من احلي اكلات الشتاء، هنشوف هنحضره ازاي مع بعض يلا بينا.
طريقة التحضير:
1- بتقطعي الارنبيط زي ما تحبي زهور صغيرة او زهور كبيرة اللي يريحك.
2- في حلة بتحطي ماء ومعاها معلقة كبيرة ملح مع معلقة كبيرة كمون وتسيبيها لحد لما تغلي.
3- ضيفي الارنبيط للماء المغلي وسيبيه حوالي دقيقتين مش اكتر عشان ميتهريش منك .
تحضير خلطة القرنبيط البانيه المقرمش من احلي اكلات الشتاء:
1- ضيفي 4 بيضات مع كوب لبن مع ثوم مفروم وفلفل اسود وكمون وتقلبيهم كويس جدا.
2- ضيفي كوب بقدونس مفروم علي الخلطة وقلبي وضيفي معاه معلقة كاري عشان يبقي لونه اصفر.
3- ضيفي الدقيق شوية شوية لحد لما تلاقي الخليط تقل معاكي حاولي تخليه زي سمك خليط الكيك .
4- ضيفي نص معلقة نشا عشان الارنبيط يبقي مقرمش معاكي.
5- ضيفي نص معلقة بيكنج بودر ونص معلقة شطة لو حابه الارنبيط يبقي سبايسي.
6- جانبا في طبق تاني ضيفي كوب بقسماط بتكوني متبلاه وضيفي عليه معلقة كبيرة كورن فليكس .
7- نزلي الارنبيط المسلوق في خلطة البيض اولا بعدين في خلطة البقسماط وتقلبيه كويس من جميع الجوانب.
8- تقليه في زيت غزير ومتحركهوش الا لما تلاقي الارنبيط اخذ لون التحمير عشان الخلطة متقعش منك في الزيت.
دي كانت وصفتنا النهاردة القرنبيط البانيه المقرمش من احلي اكلات الشتاء، وصفة سهلة وجميلة يارب تجربوها احسن بكتير من الطريقة التقليدية للارنبيط ، ومتنسوش تشوفوا بقيت وصفاتي ، واستنوني مع الذ واحلي الاكلات والوصفات وكل ما يهمك ويهم بيتك❤❤☺☺
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار