اسرع طريقة لتخليل اللفت وهيستوي في يومين
 |
| اسرع طريقة لتخليل اللفت وهيستوي في يومين |
اهلا بيكم، النهاردة هنعمل اسرع طريقة لتخليل اللفت وهيستوي في يومين، وهيتخلل معاكي تحفة ومستوي كمان يلا بينا نشوف هنعمله ازاي.
المقادير:
4 كيلو لفت
4 قرون شطة خضراء مقطعة
معلقة كبيرة شطة حمرا
بنجرايا حمراء
لتر ماء
ملح
دي مكونات اسرع طريقة لتخليل اللفت وهيستوي في يومين، والطريقة اسهل ما يكون تعالوا نشوف هنخلل اللفت ازاي.
طريقة التحضير:
1- بتقطعي اللفت بالطريقة اللي تحبيها بس الاحسن عشان يستوي معاكي علي طول تقطعيه صوابع رفيعة زي بتاع المحلات.
2- بترشي علي اللفت 3 معالق ملح كبار وتسبيه يوم كامل في مصفاة .
ملحوظة: الملح هيخليه يستوي معاكي بسرعة.
3- تجيبي البرطمان المعقم بتاعك وتحطي فيه طبقة لفت وشوية شطة خضرا والبنجرايا الحمراء وهكذا لغاية لما تخلصي الكمية.
4- بتجهزي في طبق جانبي لتر ماء مغلي وتسيبيه لغاية لما يبرد خالص وبعدين تذوبي فيه 5 معالق كبار ملح ومعلقة كبيرة شطة حمرا ولو انتي مش عايزاه سبايسي بلاش الشطة.
5- ضيفي محلول الملح علي اللفت واقفليه كويس جدا وسيبيه يومين وبعديها هتاكلي احلي لفت مخلل ياقمراية.
دي كانت وصفتنا النهاردةاسرع طريقة لتخليل اللفت وهيستوي في يومين، وبجد اللفت هيبقي مستوي وجميل، يارب تكون الوصفة عجبتكم ومتنسوش تشوفوا بقيت وصفاتي، واستنوني مع الذ واحلي الاكلات والوصفات وكل ما يهمك ويهم بيتك❤❤☺☺
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار