احلي طريقة تعملي بيها هريسة الشطة وبمنتهي السهولة
 |
| احلي طريقة تعملي بيها هريسة الشطة وبمنتهي السهولة |
اهلا بيكم، النهاردة هنعمل مع بعض احلي طريقة تعملي بيها هريسة الشطة وبمنتهي السهولة ، والوصفة دي هتفيدك في اكلات كتير خصوصا لو انتي زيي بتحبي الاكل المشطشط ، هريسة الشطة هتعمليها وتقدري تحتفظي بيها وقت ما تحبي تستخدميها في اي وقت وطعمها سبايسي وجميل.
المقادير:
نص كيلو فلفل احمر
2 راس ثوم مقشر
2 معلقة صغيرة ملح
زيت نباتي
زي ما انتو شايفين المكونات سهلة وبسيطة جدا عشان احلي طريقة تعملي بيها هريسة الشطة وبمنتهي السهولة ، وكمان الخطوات ابسط مما تتخيلي ، يلا بينا نشوف طريقة التحضير.
طريقة التحضير:
1- الفلفل الاحمر لو انتي عايزه الهريسة سبايسي اوي خلي البذر لو انتي مش عايزاها حراقة زيادة عن اللزوم شيلي البذر.
2- في الكبة ضيفي الفلفل الاحمر مع 2 راس ثوم واخلطيهم كويس.
ملحوظة: متخلطيش في الخلاط العادي عشان الخلاط العادي هيخلي الهريسة فيها ميا كأنك بتعملي عصير شطة واحنا عايزينها متفتفته ، بس لو معندكيش كبة ممكن تستخدمي المطحن بتاع التوابل ولو معندكيش اخرطيهم بمخرطة الملوخية بس خلي بالك من ايدك عشان الشطة ممكن تلبسي جوانتي او كيس.
3- في طاسة ضيفي حوالي نص كوب زيت نباتي وضيفي عليهم خليط الهريسة وشوحيهم.
4- اثناء التشويح ضيفي 2 معلقة صغيرة ملح ومضفيش اي توابل تاني غير الملح عشان لو هتستخدمي الهريسة في اي اكلة متبقيش مقيضة باكلة معينة عشان التوابل اللي انتي حطاها.
ملحوظة: تشويح هريسة الشطة عشان تقدري تحتفظي بيها اكتر وقت ممكن.
5- اول لما تلاقي الزيت ظهر علي الوش تبقي كده هريسة الشطة استوت .
6- بتجيبي برطمانات معقمة وتحطي فيها الهريسة وهي سخنة جدا ، لان ده بيساعد اكتر علي تعقيم البرطمانات وكمان عشان تقدري تحتفظي بيها اكتر وقت ممكن.
دي كانت وصفتنا النهاردة احلي طريقة تعملي بيها هريسة الشطة وبمنتهي السهولة، وصفة سهلة وبسيطة وهتستفادي منها في تحبيش الاكلات بتاعتك ، يارب تكون الوصفة عجبتكم ومتنسوش تشوفوا بقيت وصفاتي، واستنوني مع الذ واحلي الاكلات والوصفات وكل ما يهمك ويهم بيتك❤❤☺☺
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار