جيب التاجر الشهية علي الطريقة السورية
 |
| جيب التاجر الشهية علي الطريقة السورية |
اهلا بيكم ، النهاردة هنعمل مع بعض جيب التاجر الشهية علي الطريقة السورية ، ومكوناتها سهلة جدا وطعمها جميل وتقدري تحشيها الحشوة اللي تحبيها ويارب تعجبك.
المقادير:
2 كوب لبن دافئ
1 كوب زيت
1 بيضة
معلقة صغيرة سكر
معلقة صغيرة ملح
معلقة كبيرة خميرة
4 كوب دقيق
ملحوظة: الدقيق علي حسب الحاجة بحيث تكون العجينة طرية معاكي.
دي مكوناتنا البسيطة عشان تعملي جيب التاجر الشهية علي الطريقة السورية ، ندخل بقي علي طريقة التحضير.
طريقة التحضير:
1- ضيفي في اناء كبير 2 كوب حليب دافئ مع كوب الزيت مع البيضة وقلبيهم كويس اوي.
2- ضيفي عليهم معلقة السكر مع معلقة الملح مع معلقة الخميرة والدقيق واعجنيهم كويس اوي لحد ما تلاقي العجينة طرية معاكي.
3- اتركيها تتخمر ساعة وبعدين شكليها واحشيها الحشو اللي تحبيه ممكن تقطعي طماطم وخيار وجبنة رومي وخس وتحشيها بيهم ممكن فراخ وممكن مكس جبن وممكن لحمة مفرومة الحشو اللي تحبيه.
4- دخليها الفرن تستوي علي درجة حرارة 180 درجة وبالهنا والشفا ياقمراية.
دي كانت وصفتنا النهاردة جيب التاجر الشهية علي الطريقة السورية وصفة سهلة وبسيطة وطعمها حلو اوي ممكن تعتبريها وجبة فطار لو هتستخدمي فيها مكس الجبن وممكن تبقي وجبة غداء لو هتستخدمي فراخ او لحمة مفرومة ، يارب تكون عجبتكم وتجربوها ومتنسوش تشوفوا بقيت وصفاتي ، واستنوني مع كل ما يهمك ويهم بيتك❤❤☺☺
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار