طحينة السمسم البيتي ووداعا طحينة المحلات الغالية✋✋
 |
| طحينة السمسم البيتي ووداعا طحينة المحلات الغالية |
اهلا بيكم، النهاردة هنقدم ليكم طحينة السمسم البيتي ووداعا طحينة المحلات الغالية، وكمان هوريكي ازاي تعملي اكتر من نوع طحينة في البيت بأكثر من طريقة وكلهم إن شاء الله هيعجبوكي جدا.
طبعا كلنا عارفين ان سعر علبة الطحينة في السوبر مار كت غالي ازاي ولو هتقرنيها بسعرها لو هتعمليها في البيت هتلاقي نفسك موفرة كتير غير انك بتبقي مطمنة وانتي بتعملي الحاجة بأيدك عشان كده احنا النهارده هنعمل طحينة السمسم البيتي ووداعا طحينة المحلات الغالية ، يلا بينا نشوف المقادير بتاعتنا.
المقادير:
نص كيلو سمسم
كوب كبير دقيق
كوب زيت
طريقة التحضير:
1- حمصي السمسم كويس والتحميص سهل بتجيبي طاسة جافة تماما وبتحطي فيها السمسم علي نار هادئة وتقلبي بأستمرار لغاية لما تشمي رائحة السمسم ولونه يتغير معاكي بس اهم حاجه خلي بالك متتحرقش منك لانه لو اتحرق طعمه هيغير.
2- اطحني السمسم في مطحنة التوابل.
3- في الخلاط العادي ضيفي السمسم المطحون مع الدقيق والزيت واضربيهم كويس.
4- ممكن تتحكمي في سمك الطحينة بزيادة الزيت يعني كل ما تبقي حابة تخفيها زودي زيت او اكتفي بكوب زيت واحد علي حسب رغبتك في سمك الطحينة.
ملحوظة: عشان تعملي طحينة السمسم البيتي ووداعا طحينة المحلات الغالية ، اتأكدي ان كل الادوات اللي هتستخدميها جافة تماما من الماء بما فيهم الخلاط.
دلوقتي بقي هوريكي ازاي تعملي اكتر من نوع طحينة في البيت.
طحينة المشويات:
 |
| طحينة المشويات |
المقادير :
معلقة كبيرة طحينة
3 فصوص ثوم
ملح
معلقة صغيرة فلفل اسود
معلقة صغيرة شطة
معلقة صغيرة كمون
معلقة صغيرة خل
نص ليمونة
كوب ماء دافئ
رغيف عيش ابيض
طريقة التحضير:
1- حطي العيش الابيض في ميا وسيبيه حوالي نص ساعة او ساعة.
2- صفي العيش من الماء وحطيه في الكبة ومعاه معلقة الطحينة والثوم ونص كمية الميا واخلطيهم كويس.
3- لو لقيتي القوام تقيل ضيفي نص كمية الميا الباقية وبعدين ضيفي الملح والفلفل الاسود والكمون والشطة والخل ونص الليمونه .
دي طحينة المشويات واللي معمولة اساسا من طحينة السمسم البيتي ووداعا طحينة المحلات الغالية ، وعلي فكرة طعمها زي بتاعت المحلات بالضبط.
سلطة الطحينة بالزبادي:
 |
| سلطة الطحينة بالزبادي |
المقادير:
كوب طحينة
كوب زبادي
2 معلقة خل
نص ليمونه
نص معلقة صغيرة ثوم مفروم
نص معلقة صغيرة ملح
نص معلقة صغيرة فلفل اسود
نص معلقة صغيرة كمون
نص معلقة صغيرة شطة
طريقة التحضير:
1- ضيفي الطحينة مع الزبادي في بولة ومعاهم الخل والثوم وقلبي لغاية لما تحصلي علي القوام المطلوب.
2- ضيفي الملح والفلفل الاسود والشطة والكمون والليمون وقلبيهم كويس .
دي كانت وصفاتنا النهاردة طحينة السمسم البيتي ووداعا طحينة المحلات الغالية ، وطحينة المشويات ، وسلطة الطحينة بالزبادي ،يارب تكون وصفاتي عجبتكم واكون عند حسن ظنكم، واستنوني مع الذ واحلي الاكلات والوصفات وكل ما يهمك ويهم بيتك💗💗💖💖
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار