المهلبية بالبرتقال بدون جيلاتين وصحية جدا 🍲🍲🍲
 |
| المهلبية بالبرتقال بدون جيلاتين وصحية جدا |
اهلا بيكم، النهاردة هقدم ليكم المهلبية بالبرتقال بدون جيلاتين وصحية جدا ، نوع من انواع الحلي سهل التحضير ومفيد جدا وصحي جدا، فيه البرتقال والمعروف عنه انه غني بفيتامين c ، وكمان النشا واللي بيساعد كتير في تنظيم عملية التمثيل الغذائي واللي بيساعد في رفع الاحماض الامينية الموجودة في جسم الانسان وبالتالي بتؤدي لزيادة نسبة حرق الدهون في الجسم.
عشان كده انا قررت النهاردة اقدملكم المهلبية بالبرتقال بدون جيلاتين وصحية جدا ، كنوع من التغيير وهتعجبكم جدا وتحضيرها سهل ومش بياخد وقت كتير.
المقادير:
برتقالتين كبار
3 معالق كبار نشا
كوب سكر
كوب عصير برتقال
لتر ماء
مكسرات
جوز هند
زبيب
دي المكونات بتاعتنا عشان تحضري المهلبية بالبرتقال بدون جيلاتين وصحية جدا ، طبعا احنا عارفين ان المكسرات غالية اللي مش هتقدر تجيب مكسرات مفيش مشكلة جوز الهند والزبيب كفاية وكمان لو مش حابة اي نوع من التزيين وعايزة تخليها سادة هتبقي جميلة بردة ياقمراية.
طريقة التحضير:
1- قشري البرتقال وضيفيه في الخلاط مع لتر ماء وحطي معاه السكر واضربي كويس جدا .
2- صفي البرتقال بعد ما يتخلط وحطيه في حلة.
3- ذوبي النشا في كوب عصير البرتقال.
4- حطي النشا المذاب في عصير البرتقال علي البرتقال اللي في الحلة وشغلي عليهم الناروقلبي لحد ما الخليط يتقل.
5- ارفعية من علي النار واول لما يهدي صبيه في الكاسات.
6- دخلية الثلاجة ولما يمسك زينيه بالمكسرات او بجوز الهند والزبيب.
دي كانت وصفتنا النهاردة وهي المهلبية بالبرتقال بدون جيلاتين وصحية جدا ، يارب تكون وصفتي عجبتكم ، ومتنسوش تشوفوا بقيت اكلاتي ، واستنوني مع كل ما يهمك ويهم بيتك💗💗💘💘
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار