بالخطوات طريقة تسبيكة الطماطم بالخل والثوم للاكلات الشرقية
 |
| بالخطوات طريقة تسبيكة الطماطم بالخل والثوم للاكلات الشرقية |
اهلا بيكم، النهاردة هنعمل بالخطوات طريقة تسبيكة الطماطم بالخل والثوم للاكلات الشرقية ، ودي هتفيدك جدا مع كل الاكلات الشرقية زي الكشري والمسقعة والفتة بكل انواعها وغيرها اكلات كتير، نكهة الثوم في التسبيكة بيدي طعم حلو اوي.
المقادير:
1 لتر صلصة طماطم غير مركزة
2 معلقة كبيرة ثوم مفروم
2 معلقة كبيرة كزبرة ناشفة
4 معالق كبار خل ابيض
سمنة
ملح
فلفل اسود
دي المقادير بتاعتنا وعشان تمشي معايا بالخطوات طريقة تسبيكة الطماطم بالخل والثوم للاكلات الشرقية ، ومتفوتكيش اي حاجة هرجع افكرك ازاي بنعمل الطماطم غير المركزة واللي سبق وقلتها في وصفة الكاتشب الحار قبل كده.
طريقة عمل الطماطم الغير مركزة:
1- ملعقة كبيرة سكر
2- ملعقة صغيرة ملح
3- ربع ملعقة ملح ليمون
4- كيلو طماطم مقعطع ارباع ويفضل تكون طرية
طريقة تحضير الطماطم الغير مركزة:
1- ضعي الطماطم في اناء علي النار وضيفي عليها السكر والملح وملح الليمون وهزي الإناء علشان السكر والملح ينزلوا لتحت وممكن اقلبهم تقليبه بسيطة واغطيها واتركيها علي نار متوسطة وكل شوية اقلبهم تقليبة بسيطة.
2- خليها علي النار حتي تذوب نهائيا واول ماتلقيها ذابت ومفيش اثر للطماطم اتركيها لما تهدي من السخونة وبعدين اضربيها في الخلاط وهي دي الطماطم الغير مركزة.
نرجع بقي بالخطوات طريقة تسبيكة الطماطم بالخل والثوم للاكلات الشرقية طبعا احنا اتكلمنا عن المكونات هنتكلم عن طريقة تحضيرها.
 |
| حفظ تسبيكة الطماطم بالخل والثوم |
طريقة تحضير تسبيكة الطماطم بالخل والثوم:
1- بتحطي في حلة معلقة سمنة كبيرة وقبل ما تسخن تضيفي الثوم والكزبرة الناشفة وتقلبيهم لغاية لما الثوم يتحمر.
2- تضيفي علي الثوم المحمر الخل وبعدين تضيفي عصير الطماطم وسيبيهم يتسبكوا علي النار.
3- بعدين تضيفي الملح والفلفل الاسود.
 |
| فتة بالخل والثوم |
ملحوظة : طبعا انتي ممكن تحتفظي بالتسبيكة دي في الثلاجة لفترة طويلة لانك حطالها ملح ليمون يعني ممكن تعملي منها الكميات اللي انتي عايزاها وتستخدمي منها علي قد الحاجة وتكون جاهزة معاكي وقت ما تيجي تطبخي.
دي يا حبايبي بالخطوات طريقة تسبيكة الطماطم بالخل والثوم للاكلات الشرقية ، هي سهلة جدا مش محتاجة مجهود بس بتفرق في طعم الاكل الشرقي وجربيها ، ويارب تعجبكم، واستوني مع الذ واحلي الاكلات والوصفات وكل ما يهمك ويهم بيتك💚💘💘
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار