بطاطس بشاميل بالكاري والكركم اكله مفيش ابسط منها

بطاطس بشاميل بالكاري والكركم اكله مفيش ابسط منها 🍲🍲🍲

اهلا بيكم، النهاردة هقدم ليكم بطاطس بشاميل بالكاري والكركم اكله مفيش ابسط منها ، وهي فعلا مفيش ابسط منها لان مكوناتها بسيطة جدا ومتواجدة في كل بيت وممكن تعمليها في اي وقت وكمان طعمها حلو جدا وبتشبع اووووي.

المقادير:

بطاطس متقشرة

2 معلقة سمن

بصلة كبيرة مفرومة

3 معلقة كبيرة دقيق

معلقة كبيرة كاري

معلقة كبيرة كركم

كوب لبن كبير

2 مكعب جبنة مثلثات

بيضة

كوب شوربة

بديل الشوربة لو معندكيش 2 مكعب مرقة

فلفل اسود

ملح

بهارات علي حسب الرغبة

دي مقادير بطاطس بشاميل بالكاري والكركم اكله مفيش ابسط منها ، فعلا مقادير بسيطة جدا غير ان طعمها حلو اوي ممكن تنفع وجبة اساسية علي الغذاء ومفيدة كمان جدا كلها نشويات وبروتينات يارب تعجبكم هنشوف دلوقتي ياقمرات ازاي تحضروها.

طريقة التحضير:

1- تقشري البطاطس وتغسليها وتسيبيها زي ما هي من غير تقطيع وتسلقيها علي النار نص سلقة.

2- جانبا في حلة ضيفي 2 ملعقة كبيرة سمن وضيفي عليها بصلة كبيرة مفرومة وتشوحيها لغاية لما البصلة تصفر.

3- ضيفي 3 معالق كبار دقيق علي البصلة وتحمري الدقيق كويس لغاية لما تحصلي علي اللون الاصفر الجميل للدقيق.

4- ضيفي معلقة كبيرة كاري ومعاها معلقة كبيرة كركم وتقلبي كويس جدا.

5- ضيف كوب لبن كبير ومعاه كوب شوربة ولو معندكيش شوربة مفيش مشكلة هتذوبي 2 مكعب مرقة علي 2 كوب ماء.

6- ضيفي فلفل اسود وملح وبهارات زي ما انتي عايزه علي حسب رغبتك.

7- تفضلي تقلبي الخليط كويس لحد ما تحصلي علي القوام المضبوط مش عايزينه ولا خفيف ولا تقيل يكون معقول.

8- تقطعي البطاطس اللي سلقتيها شرائح وترصيها في صينية مدهونه بزيت ترصيها نص وقفة شكلها كده / / / وده عشان البشاميل لما تحطيه عليها ينزل ما بينها كويس ويوصل للبطاطس من تحت عشان متتحرقش منك.

9- تصبي البشاميل علي البطاطس وتهزي الصينية هزة خفيفة وتساوي البشاميل من فوق كويس بحيث انه يغطي كل البطاطس.

بطاطس بشاميل بالكاري والكركم

بطاطس بشاميل بالكاري والكركم اكله مفيش ابسط منها مش هتاخد وقت كتير في الفرن يدوب بس البشاميل يتشرب بين البطاطس وممكن تشغلي الشواية عشان وشها يتحمر، وهتشوفي ازاي قد ايه اكلة بسيطة وغير مكلفة وطعمها حلو اوي.

احنا كده النهاردة خلصنا الوصفة بتاعتنا بطاطس بشاميل بالكاري والكركم اكله مفيش ابسط منها ، يارب تكون الوصفة عجبتكم وتجربوها ومتنسونيش في الدعاء، ومتنسوش تشوفوا بقيت وصفاتي ، واستوني مع الذ واحلي الاكلات والوصفات وكل ما يهمك ويهم بيتك💗💙💘

موضوع :
100 من 100 | 100 تقييم من المستخدمين 100 من أراء الزوار

بطاطس بشاميل بالكاري والكركم اكله مفيش ابسط منها