طريقة عمل يخني الفراخ المصري علي اصوله 🍗🍗🐔🐔
 |
| طريقة عمل يخني الفراخ المصري علي اصوله |
طبعا قبل منتعلم طريقة عمل يخني الفراخ المصري علي اصوله لازم ارجع افكركم ازاي بعد ما بنغسل الفرخة حلو بنحطها في المحلول الملحي وانا سبق وشرحته في وصفه قبل كده لكن عشان خاطركم ياقمرات هرجع افكركم بمكوناته وطريقة تحضيره والفوائد بتاعته.
فوائد محلول الملح او محلول النقع:
مكونات سائل الملح او سائل النقع(المحلول الملحي):
3 ونص لتر ماء
ثلاث أرباع كوب سكر(كوب إلا ربع)
نصف كوب ملح
طبعا طريقة تحضيرة واستخدامه سهلة جدا ، ضيفي السكر والملح للماء وذوبيهم كويس وخلي بالك المكونات تكون مضبوطة عشان ميأثرش علي الطعم سواء إنه يكون مالح او محلي،طبعا بتستخدمي محلول النقع مع اللحوم وكل أنواع الطيور والأرانب وكل ما الكمية زادت منك زودي المحلول الملحي ، بتنقعي الطيور أو اللحوم أو الارانب يوم أو يومين وهتشوفي النتيجة بنفسك، طبعا احنا هنستخدم محلول النقع علشان هنعمل النهاردة طريقة عمل يخني الفراخ المصري علي اصوله ،طبعا احنا ممكن ننقع الفرخة ليلة مفيش مشكلة بس الأفضل ليلتين.
انا كده فكرتك بمحلول النقع دلوقتي هنبتدي نعمل وصفتنا النهارده وندخل علي المقادير:
المقادير:
5 دبابيس فراخ
2 جزر حلقات
3 بصلات متقطعين حلقات
معلقة كبيرة ثوم مفروم
معلقة كبيرة نشا
كوب بقدونس مفروم
عود كرفس مفروم
بهارات
ملح وفلفل اسود
2 ملعقة زبدة وممكن تبدليها بزيت نباتي
ورق لاوري
دي المقادير بتاعتنا وكلها بسيطه وموجوده ندخل بقي علي طريقة عمل يخني الفراخ المصري علي اصوله خطوة بخطوة:
 |
| طريقة عمل يخني الفراخ المصري علي اصوله |
طريقة التحضير:
1- هتجيبي طبق عميق وتحطي فيه الفراخ مع البهارات كلها وتحطي معاهم شوية زيت نباتي وتفركي بأيدك الفراخ كويس اوي لحد متتأكدي انها اتشربت من كل التوابل.
2- سيبي الفرخة بالتتبيلة بتاعتها يوم كامل في الثلاجة وغطيها بورق نايلون او كيس او حطيها في علبة ليها غطا مش هنعقد الامور اي حاجه عندك من دول.
3- نحط طاسة ونستني لما تسخن جدا وبعدين تضيفي الفراخ بالخلطة بتاعتها كلها.
4- ضيفي 2 ملعقة زبدة علي الفراخ واستني لما الفراخ تاخد لون التحمير وبعدين اقلبيها علي الوش التاني.
5- ضيفي بصلة كبيرة متقطعة شرائح وقلبيها لحد ما تصفر وبعدين تضيفي الكرفس ومعاهم ورق اللاوري والجزر الشرائح والثوم المفروم وتقلبيهم.
6- تحطي شوربة علي الفراخ بمقدار نص الحلة واسيب وش الفرخة يبان.
ملحوظة: لو معندكيش شوربة هاتي 2 مكعب مرقة دجاج ودوبيهم في ميا وسيبيهم علي النار يغلو وبعدين ضفيهم علي الفراخ مفيش اي مشاكل.
7- تقلبي الفراخ كل شوية عشان تتشرب من الصوص وتبقي كلها متنكهة.
8- تخلي فيها شوية صوص متخليش الفرخة تنشف منك.
ملحوظة: في حالة ان الفرخة استوت منك بسرعة وانتي خايفة تتهري ذوبي معلقة نشا وحطيها علي الفراخ هتخلي الصوص تخين ولو محتاجتش خلاص متستخدميش النشا، كمان خلي الفراخ تستوي علي نار هادئة عشان تتنكه منك كويس لان اليخني معروف انه بيتسوي علي نار هادئة.
كده ياقمرات احنا خلصنا طريقة عمل يخني الفراخ المصري علي اصوله ، ودي طريقة جديدة تعملي بيها الفراخ بدل الطرق التقليدية بتاعت الشوي والتحمير يارب تكون عجبتكم ومتنسوش استنوني وتبعوني مع الذ وأحلي الوصفات والأكلات وكل ما يهم ويخص البيت ❤❤❤
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار