فراخ التدميس بشكل جديد لاحلي ست بيت 🐔🐔🐔
 |
| فراخ التدميس بشكل جديد لاحلي ست بيت |
اهلا بيكم، النهاردة هقدم ليكم اكلة جديدة وهي فراخ التدميس بشكل جديد لاحلي ست بيت، من احلي الطرق اللي ممكن تعملي بيها الفراخ وطريقة جديدة غير ان طعمها حكاية الفرخة كلها نكهات وتوابل حاجة لذيذة ، هنعملها النهاردة مع بعض ولو جربتيها هتبقي مبسوطة اوي من طعمها ويارب تدعيلي ، بصراحة انا شفتها في برنامج وجربتها اكتر من مرة وطلعت معايا طعمها جميل وان شاء الله انتي كمان تجربيها.
طبعا قبل ما ندخل علي مقادير فراخ التدميس بشكل جديد لاحلي ست بيت ،هرجع افكرك تاني انك بعد ما تغسلي الفرخة حطيها في محلول النقع اللي سبق قلتلك عليه قبل كده في وصفات فاتت وهرجع افكرك بيه تاني يا قمراية.
مكونات سائل الملح او سائل النقع(المحلول الملحي):
3 ونص لتر ماء
ثلاث أرباع كوب سكر(كوب إلا ربع)
نصف كوب ملح
طبعا طريقة تحضيرة واستخدامه سهلة جدا ، ضيفي السكر والملح للماء وذوبيهم كويس وخلي بالك المكونات تكون مضبوطة عشان ميأثرش علي الطعم سواء إنه يكون مالح او محلي،طبعا بتستخدمي محلول النقع مع اللحوم وكل أنواع الطيور والأرانب وكل ما الكمية زادت منك زودي المحلول الملحي ، بتنقعي الطيور أو اللحوم أو الارانب يوم أو يومين وهتشوفي النتيجة بنفسك، طبعا احنا هنستخدم محلول النقع علشان هنعمل النهاردة فراخ التدميس بشكل جديد لاحلي ست بيت ،طبعا احنا ممكن ننقع الفرخة ليلة مفيش مشكلة بس الأفضل ليلتين.
المقادير:
4 وراك فراخ من غير الدبوس
2 راس ثوم مقشرين
كوب كزبرة مفرومة
م ملعقة زبدة
ملعقة كبيرة ثوم بودر
ملعقة كبيرة بصل بودر
حبهان مطحون
ملح
فلفل اسود
بهارات
جوزة الطيب
طريقة تحضير فراخ التدميس بشكل جديد لاحلي ست بيت :
1- بعد متنقعي الفرخة في محلول النقع لمدة يوم او يومين الكتير هتحطي شوية زيت نباتي مش كتير وبعدين تحطي 2 معلقة زبدة.
ملحوظة : انا حطيت هنا زيت نباتي مع الزبدة عشان الزبدة متتحرقش مني وممكن متحطيش زبدة وتحطي زيت نباتي فقط.
2- ضيفي علي الزيت والزبدة 2 راس ثوم مقشرين وتخلي الثوم صحيح متفرمهوش ، متخليش الثوم يحمر انا عايزه بس يدوب ريحتهم تطلع.
3- ضيفي الفراخ وحطيها علي ناحية الجلد، وبعدين تضيفي التوابل كلها بس سيبي شوية منها عشان لما تيجي تقلبي الفرخة تحطي علي الناحية التانية عشان تبقي كلها متنكهة بالتوابل.
 |
| فراخ التدميس بشكل جديد لاحلي ست بيت |
4- اول الفرخة ما تاخد لون التحمير تقلبيها علي الناحية التانية عشان تاخد نفس لون التحمير ومتنسيش تضيفي بقيت التوابل علي الفرخة.
5- ضيفي ماء مغلي ولازم يكون وش الفرخة بره مش طايل الماء وتسيبيها علي نار متوسطة او اقل.
6- تضيفي الكزبرة المفرومة وطبعا كل شوية هتقلبي الفرخة مش هتسيبي وشها بره علي طول عشان كلها تتشرب من الصوص لغاية لما تستوي.
ملحوظة : ممكن تقدمي معاها ارز ابيض او ارز حبة وحبة.
انا كده خلصت النهاردة وصفتنا الجميلة فراخ التدميس بشكل جديد لاحلي ست بيت ويارب تكون الوصفة عجبتكم ، ويارب اكون عند حسن ظنكم ، واستنوني مع الذ واحلي الاكلات والوصفات وكل ما يهمك ويهم بيتك 💗💗💖💖
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار