خطوات عمل بلح الشام المقرمش زي الكتاب ما بيقول 🍞🍞🍞
 |
| خطوات عمل بلح الشام المقرمش زي الكتاب ما بيقول |
اهلا بيكم، النهاردة ياقمرات هقدم ليكم خطوات عمل بلح الشام المقرمش زي الكتاب ما بيقول ، وبلح الشام نوع من الحلويات السورية اللي بتتسقي بالشربات او القطر ، بس للاسف في ناس كتير بلح الشام مكنش بيظبط معاها ، النهاردة بقي هوريكي ازاي تعملي بلح شام تاكلي صوابعك وراه وهتدعيلي.
النهاردة مش بس هتتعلمي خطوات عمل بلح الشام المقرمش زي الكتاب ما بيقول لا كمان هوريكي ازاي تعملي بلح الشام بكذا طريقة وكلهم احلي من بعض ، هتبقي مبسوطة جدا وانتي محترفة بلح الشام وباكتر من طريقة ، دلوقتي هوريكي ازاي تعملي بلح الشام العادي.
المقادير:
كوب دقيق
كوب الا ربع ماء
ربع كوب زيت نباتي
اربع بيضات
ربع معلقة كبيرة نشا
نص ملعقة فانيليا
رشة ملح
شربات او قطر وهوريكي ازاي تحضريه
طريقة التحضير:
دلوقتي بقي هنبتدي نعمل خطوات عمل بلح الشام المقرمش زي الكتاب ما بيقول والطريقة سهلة جدا بس انتي امشي علي الخطوات مضبوط:
1- حطي الدقيق والملح والنشا والفانيليا والملح في اناء واخلطيهم مع بعض.
2- حطي في حلة الماء مع الزيت علي النار وسيبيهم لغاية لما يغلوا.
3- اول ما الميا والزيت يغلوا ضيفي خليط الدقيق اللي مجهزاه علي الميا والزيت.
4- حركي المزيج بتاعك بسرعة وبشكل مستمر لغاية لما تتكون معاكي عجينة.
5- حطي العجينه في مضرب السلك الكهربائي واستعملي المضرب لتقليبها عشان الهوا السخن يخرج منها.
6- طبعا هتسيبي العجينة تبرد وبعدين تضيفي البيض.
ملحوظة: مضفيش البيض مره واحدة ضيفيه بالتدريج وكل ما تضيفي بيضه تقلبي كويس لغاية لما البيض يختفي تماما.
7- حطي الخليط بتاعك في كيس حلواني او في القمع المخصص للبلح الشام.
8- هتقليها في زيت غزير وتقلبيها عشان تتحمر من كل الجهات ولما تتحمر تنزليها في القطر او الشربات البارد اللي مجهزاه وهقولك ازاي تعمليه سهل اوي وده من ضمن خطوات عمل بلح الشام المقرمش زي الكتاب ما بيقول.
مكونات القطر او الشربات:
2كوب سكر
2 كوب ماء
نص ليمونة
معلقة صغيرة فانيليا
طريقة تحضير القطر او الشربات:
1- هتضيفي السكر مع الماء وتعصري نص الليمونة وتقلبي وهما علي النار لغاية لما السكر يدوب نهائي.
2- خليه ربع ساعة واول لما تحسي انه بيلبك في ايدك يبقي كده تمام استوي.
3- لما تطفي النار من علي القطر او الشربات تضيفي نص معلقة الفانيليا.
ودلوقتي عرفنا خطوات عمل بلح الشام المقرمش زي الكتاب ما بيقول بالطريقة الاولي هقولك علي الطريقة التانية وبردة طريقة جميلة وسهلة اوي.
بلح الشام بدون البيض:
المقادير:
2 كوب ونص ماء
2 كوب وربع دقيق
ربع كوب زيت نباتي
رشة ملح
ربع كوب قطر جاهز
قطر او شربات بارد
طريقة تحضير بلح الشام بدون بيض:
1- ضيفي الماء في حلة علي النار واثناء الغليان تضيفي الزيت وربع كوب قطر جاهز او شربات ، وضيفي الملح مع التقليب المستمر.
2- ضيفي الدقيق وقلبي بسرعة لحد ما تحصلي علي عجينة متجانسة وطبعا هتحطيها في المضرب السلك الكهربائي عشان تخرجي الهوا منها وعشان تخلصي من اي كلاكيع دقيق في العجينة.
3- حطي العجينة في كيس حلواني او في القمع المخصص لعمل البلح الشام.
4- حمري في زيت عميق مع التقليب عشان تحصلي علي اللون الاحمر الجميل.
5- خرجيها من الزيت علي ورق عشان تصفي الزيت وعلي طول تنزليها في الشربات وهي سخنة وتسيبيها حوالي 3 دقائق عشان تتشرب الشربات.
بردة يا قمرات من ضمن خطوات عمل بلح الشام المقرمش زي الكتاب ما بيقول هوريكي طريقة تاني وهي سهلة وبسيطة جدا.
البلح الشام بدون قمع:
هي نفس مقادير البلح الشام العادي ونفس طريقة التحضير بس احنا هنا هنستغني عن كيس الحلواني او القمع المخصص للبلح الشام وهنستخدم معلقة ، هتحطي العجينة علي شكل كورة وتحطيها في الزيت ولما تخرج تنزليها في الشربات.
بلح الشام التركي بالسميد:
المقادير:
- 1.25 كوب دقيق
- كوب ماء
- 2 بيضة
- 2 معلقة كبيرة سميد ناعم
- معلقة كبيرة زبدة
- 2 ملعقة صغيرة نشا
- رشة فانيليا
- شربات ساقع للسقي
- طريقة التحضير:
- 1- هتخلطي الدقيق والسميد والنشا في اناء وتخليه علي جمب.
- 2- في حلة حطي الماء والزبدة وخلي الزبدة تسيح.
- 3- اول لما الزبدة تسيح ننزل بخليط الدقيق اللي حضرتيه وتهدي النار لحد ما تتكون معاكي عجينة مبتلزقش علي الجناب.
- 4- في العجان تضيفي البيض واحدة واحدة مع الفانيليا وتتاكدي ان مفيش اثر للبيض لحد ما تحصلي علي عجينة متماسكة وناعمة.
- 5- تحمريها في زيت غزير وطبعا هتستخدمي كيس حلواني او قمع.
- 6- تخرجي العجينة من الزيت وتسيبيها تبرد شوية وبعد كده تنزليها في الشربات وتسيبيها حوالي 5 دقائق لغاية ما تتشرب الشربات.
كده انا خلصت النهاردة خطوات عمل بلح الشام المقرمش زي الكتاب ما بيقول ، وكمان عملنا البلح الشام باكثر من طريقة يارب تكون عجبتكم ، ومتنسوش تتابعوا بقيت وصفاتي ، واستنوني مع الذ واحلي الوصفات وكل ما يهمك ويهم بيتك💗💗💖💖
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار