الطريقة الصحيحة لسلق الفراخ وطعمها حكاية🍗🍗🍗
 |
| فراخ مسلوقة علي الطريقة الصحيحة وطعمها رهييييب |
اهلا بيكم، النهاردة هقدملكم فراخ مسلوقة علي الطريقة الصحيحة وطعمها رهييييب ومتستهونوش بالفراخ المسلوقة الطريقة دي هتخليكي تاكلي الفرخة المسلوقة وانتي مش محتاجة تحمريها أو تشويها يعني محدش هيقولك هتأكلينا فراخ مسلوقة ليه احنا عيانين؟ فعلا الطريقة دي حلوه أوي وشوربتها حكاية.
اولا وقبل ما نبتدي نعمل فراخ مسلوقة علي الطريقة الصحيحة وطعمها رهييييب هوريكي ازاي تنقعي الفرخة بعد ما تغسليها في محلول ملحي وهعرفك ايه هو المحلول المحلي وايه الفوائد بتعته ومكوناته ايه وبتستخدميه إزاي.
فوائد محلول الملح او محلول النقع:
وبنسميه محلول النقع لإننا بننقع فيه الفرخة وهقولك قد ايه، من أهم فوائد المحلول الملحي انه بيخلصك من أي زفارة موجودة ،وكمان بيخلي اللحمة متنكهة من جوه وبره، وبيشيل أي تجلطات دموية موجوده في اللحوم أو الفراخ، كمان الملح الموجود في سائل النقع بيساعد اللحوم أو الفراخ علي تشرب السوائل وده بيخليها طرية من جوه وميخلهاش تجف منك اثناء الطهي، وأهم حاجة بيخلي وقت الطهي قليل جدا يعني اللحوم أو الفراخ مش بتاخد وقت كتير في الطهي.مكونات سائل الملح او سائل النقع(المحلول الملحي):
3 ونص لتر ماء
ثلاث أرباع كوب سكر(كوب إلا ربع)
نصف كوب ملح
طبعا طريقة تحضيرة واستخدامه سهلة جدا ، ضيفي السكر والملح للماء وذوبيهم كويس وخلي بالك المكونات تكون مضبوطة عشان ميأثرش علي الطعم سواء إنه يكون مالح او محلي،طبعا بتستخدمي محلول النقع مع اللحوم وكل أنواع الطيور والأرانب وكل ما الكمية زادت منك زودي المحلول الملحي ، بتنقعي الطيور أو اللحوم أو الارانب يوم أو يومين وهتشوفي النتيجة بنفسك، طبعا احنا هنستخدم محلول النقع علشان هنعمل النهاردة فراخ مسلوقة علي الطريقة الصحيحة وطعمها رهييييب ،طبعا احنا ممكن ننقع الفرخة ليلة مفيش مشكلة بس الأفضل ليلتين.
ملحوظة : البط أو الوز أو الديك الرومي بتنقعيه في محلول النقع لمدة 3 أيام عشان توصلي للنتيجة المطلوبة من حيث الطعم والنظافة.
دلوقتي احنا عرفنا مكونات المحلول الملحي أو محلول النقع هنتبدي مع بعض نعمل الفراخ مسلوقة علي الطريقة الصحيحة وطعمها رهييييب.
المقادير:
فرخة متقطعة او صحيحة علي حسب رغبتك2 بصلة متقطعة مكعبات صغيرة
2 حبة طماطم مكعبات
2 جزر شرائح
4 فصوص ثوم مفروم
3 عود كرفس
3 عود كزبرة
ورق لاوري
ملح
فلفل اسود
بهارات ويفضل إن البهارات تكون مش مطحونة عشان لون الشوربة يبقي صافي
1 ملعقة كبيرة سمنة
ماء مغلي
5 حبات مستكة
3 حبات حبهان
طريقة تحضير فراخ مسلوقة علي الطريقة الصحيحة وطعمها رهييييب:
1- طبعا قبل كل حاجة بتكوني ناقعة الفرخة في محلول النقع من ليلة أو ليلتين بالكتير.
2- هتحطي في الحلة 2 ملعقة سمنة وتستني لما السمنة تسخن جامد، أول متسخن ضيفي الفرخة ولازم تسمعي صوت الطشة بتاعت الفرخة أو الصدمة الحرارية بلغة المطبخ طبعا الصدمة الحرارية بتقتل البكتريا اللي مش بتروح بالغسيل وكمان بتقفل مسام الفرخة وتخليها تحتفظ بالعصارة بتاعتها وبتخليها طرية من جوه، طبعا مش لازم تتحمر يدوب بس تاخد لون خفيف وتاخد طعم السمنة.
3- تضيفي البصل المقطع والجزر المقطع شرايح رفيعة وتضيفي ورق اللوري والحبهان والفلفل الأسود والثوم ونقلب كل شويه عشان الفرخة بتاعتنا تتنكه من كل الجوانب سواء فرخة كاملة او متقطعة.
4- ضيفي أعواد الكرفس متقطعة قطع كبيرة ومعاها أعواد الكزبرة عشان تقدري تخرجيهم في الاخر لو مش عيزاهم في الشوربة.
5- بتضيفي الحبهان والمستكة وتقلبي لغاية لما الريحة تطلع بعدين تضيفي الطماطم.
6- ضيفي الماء المغلي علي الفراخ وقرب ما الفرخة تستوي تضيفي الملح.
ملحوظة: الفرخة خليها علي درجة حرارة متوسطة عشان الفرخة متتهريش منك وكمان عشان الشوربة تتنكه بكل المكونات الموجودة فيها.
انا كده خلصت طريقة فراخ مسلوقة علي الطريقة الصحيحة وطعمها رهييييب جربوها وان شاء الله هتعجبكم انا مش بسلق الفراخ إلا كده وطعمها حكاية حتي لو هتكليها كده من غير تحمير أو فرن أو أي إضافة عليها ، يارب تكون وصفتي عجبتكم وإستنوني مع أحلي والذ الأكلات والوصفات وكل ما يهم ويخص بيتك😍😍.
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار