السلام عليكم، اهلا بيكم حبايبي، النهارده هقدم ليكم اسهل طريقة لعمل عجة البطاطس الفريتاتا بالخطواط، ودي تعتبر من الاكلات السهلة والسريعة اللي البيت المصري كله بيحب يعملها خصوصا علي الفطار او العشا واكيد طبعا تنفع غدا خليكم معايا وهتعرفو ازاي تعملوا اسهل طريقة لعمل عجة البطاطس الفريتاتا بالخطواط، ومش هتندموا ياحبايبي ومتنسوش تدعولي يلا بينا نشوف المقادير.
 |
| عجة البطاطس فريتاتا |
المقادير:
٣حبات بطاطس صحيحة
بصلة مفرومة
٦بيضات
كريمة دسمة
جبنة برمجيان او اي نوع بتفضليه ممكن رومي
لحمة مفرومة
رشة نعناع
ملح
فلفل اسود
ثوم مفروم
بهارات حسب الرغبة
طريقة التحضير:
١-نقطع البطاطس مربعات صغيرة وتقلي في الزيت.
٢-نضيف البصلة المفرومة بعد تحميرها والثوم المفروم الي البطاطس.
٣-نرش عليهم ملح وفلفل اسود وبهارات حسب الرغبة
٤-علي جنب هتحضري البيض وقليل من الكريمة الدسمة والجبنة اللي بتفضليها رومي او شيدر او برمجيان وتخفقيهم مع بعض كويس او
٥-نضيف علي اللحمة المفرومة رشة نعناع وملح وبعدين نضيفهم علي خليط البيض ونخلط المزيج بالمعلقة كويس اوي.
٦-نجيب صينية الفرن ونحط الاول البطاطس وبعدين نضيف علي البطاطس خليط البيض واللحمة ونحطهم في الفرن علي دجرة حرارة ١٨٠
دي ياحبايبي كانت اسهل طريقة لعمل عجة البطاطس الفريتاتا بالخطواط، ان شاء الله تعجبكم هي جديده لاننا اتعودنا علي العجة بالبيض او عجة البطاطس المهروسة لكن دي طريقة جديدة وهتعجبكم ان شاء الله، واستنوني الوصفة الجاية مع كل جديد من مطبخ ميكي واستنوني مع كل جديد يخص المطبخ والبيت والاسرة مع السلامة.
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار