الكاتشب الحار علي الطريقة البيتي ولا اسهل من كده👌👌
 |
| الكاتشب الحار علي الطريقة البيتي ولا اسهل من كده |
مقادير الكاتشب الحار علي الطريقة البيتي ولا اسهل من كده:
- لتر صلصة طماطم غير مركزة
- ربع كيلو فلفل حار
- نصف كوب ماء
- كوب سكر
- كوب الا ربع خل
- ملعقة كبيرة ثوم بودر
- ملعقة كبيرة بصل بودر
- ملعقة كبيرة فلفل اسود
طريقة التحضير:
قبل كل شئ احب اعرفكم ازاي بنعمل الطماطم الغير مركزة واللي هنستخدمها في الكاتشب الحار علي الطريقة البيتي ولا اسهل من كده وكمان ممكن نستخدمها في عمل الكاتشب العادي ونستخدمها ايضا في عمل صلصة الطماطم.
طريقة عمل الطماطم الغير مركزة:
- 2 كيلو طماطم مقطعة إرباع ويفضل أن تكون الطماطم طرية.
- 2 ملعقة كبيرة سكر
- 1 ملعقة صغيرة ملح
- 1/4ملعقة ملح ليمون
طريقة تحضير الطماطم الغير مركزة:
1- ضعي الطماطم في اناء علي النار وضيفي عليها السكر والملح وملح الليمون وهزي الإناء علشان السكر والملح ينزلوا لتحت وممكن اقلبهم تقليبه بسيطة واغطيها واتركيها علي نار متوسطة وكل شوية اقلبهم تقليبة بسيطة.
2- خليها علي النار حتي تذوب نهائيا واول ماتلقيها ذابت ومفيش اثر للطماطم اتركيها لما تهدي من السخونة وبعدين اضربيها في الخلاط وهي دي الطماطم الغير مركزة.
نرجع بقيل للكاتشب الحار علي الطريقة البيتي ولا اسهل من كده طبعا احنا اتكلمنا عن المكونات هنتكلم عن طريقة تحضيره.
طريقة تحضير الكاتشب الحار:
1- ضعي في الخلاط الطماطم الغير مركزة اللي جهزناها ونضع معاها الفلفل الحامي والسكر والماء والخل والثوم البودر والبصل البودر واخلطهم جيدا.
2- هنضيف الخليط في اناء ونضيف عليه ملعقة كبيرة فلفل اسود واقلبهم واتركهم علي نار هادئة او متوسطة حتي نحصل علي القوام المناسب.
ملحوظة: حاولي تخلي بالك والكاتشب علي النار عشان بيتطاير من السخونة واحنا طبعا يهمنا سلامتك.
طبعا لو عايزة تعملي صلصة طماطم عادية زي اللي بتتباع بره بتخليي الطماطم الغير مركزة علي النار فترة أطول لغاية متبقي مركز أكتر.
طبعا احنا خلصنا طريقة عمل الكاتشب الحار دلوقتي عايزين نحطه في برطمانات عشان يقعد عندنا اطول وقت ممكن هقولك علي طريقة الحفظ الصحية والسليمة اللي هتخلي الكاتشب او الصلصة يقعدوا في الثلاجة فترة طويلة.
اولاً: لازم اجيب برطمانات مصنوعة خصيصا للتعبئة ميكنش فيها أي فتحات أو ثقوب ثم اغسلي البرطمانات بالماء الساخن والصابون ثم حطي في البرطمانات حوالي ربعها ماء وتكوني غالية ماء في اناء بدرجة حرارة عالية وبعدين عرضي البرطمان للبخار امسكي البرطمان بمساكة الفراخ عشان ايدك.
ثانيا: عبي الكاتشب الحار في البرطمان وقبل متقفلية حطي علي الوش معلقة زيت صغيرة وأعملي كدة كل ما تستخدمي من الكاتشب.
طبعا الكاتشب او الصلصة لو هتحطيهم في الفريزر هيقعدوا معاكي 6 شهور ولو هتحطيهم في الثلاجة هيقعدوا معاكي 3 شهور وبالهنا والشفا ياقمر.
أتمني أن اكون قدمت ليكم الكاتشب الحار علي الطريقة البيتي ولا اسهل من كده بطريقة جديدة وسهلة جربوها وهتدعولي ومتنسوش تتابعوني مع ألذ وأطعم الأكلات وكل ما هو جديد في البيت والمطبخ .
موضوع :
100 من 100 | 100 تقييم من المستخدمين 100 من أراء الزوار
100 من 100 | 100 تقييم من المستخدمين 100 من أراء الزوار